Laburbira zirkuituraren emanaldiak antolatzeko eskaera deialdiaren epemuga.

Laburbiraren aurtengo edizioak Durangoko Zugaza zineman apirilaren 11an egingo den aurre-estreinaldiarekin hasiko du bere ibilbidea, eta horren ostean, nahi beste herritan erakustea da asmoa. Edozein herritan antolatu daiteke eta, bide horretan, emanaldia antolatu nahi duten elkarteentzako zein udalentzako izen-ematea zabalik izango da martxoaren amaiera arte. Bertan aukeratu dezakete antolatzaileek apirilaren 12tik maiatzaren 12ra bitartean zein egunetan eta non antolatu nahi duten emanaldia.