Saharako zinemari eskainitako II. zikloa, Nafarroako Filmotekan. 2003an jaiotako FiSahara – Saharako Nazioarteko Zinemaldiaren hedapen gisa, Nafarroako Filmotekak Saharako zinemari eskainitako zikloa prestatu zuen 2023an, eta aurten, bigarrenez ospatuko dute ekimena.

Gaur, Fatma Moulay (Yugurta) UJSARIOko nazioarteko koordinatzaileak eta lurralde liberatuetan mina eztandaren ondorioz zauritua izan den Salem Ahmedu Mustafak Hamada (Eloy Domínguez Serén, 2018) filma aurkeztuko dute: Mina eremu batek eta munduko bigarren harresi militar handienak bereizten dituzte Sidahmed, Zaara eta Taher beren aberritik, gurasoek kontatzen dizkieten istorioen bidez bakarrik ezagutzen baitituzte. Saharar herrikoak dira munduko komunitaterik ahaztuenetakoak, basamortuaren erdian dagoen errefuxiatu-kanpamendu batean abandonatuta, Marokok duela berrogei urte baino gehiago Mendebaldeko Saharatik kanporatu ondoren. Gure protagonista gazteek autoak konpontzen ematen dituzte beren egunak, nahiz eta benetan ezin dituzten inora eraman, inoiz iristen ez den aldaketa politiko baten alde borrokatzen eta ziurrenik gertatuko ez den etorkizun batekin amets egiten. Gazteen itxaropen, energia eta ilusio guztiekin, inguruko muga fisikoen gainetik altxatzea amesten dute.