PreFANT zikloa 2025. Maiatzaren 2tik 10era bitartean ospatuko den FANT – Bilboko Zinemaldi Fantastikoa, baina ohi bezala, jaialdia hasi aurreko hilabeteetan hainbat emanaldi berezi egingo dituzte.

Gaur, Nacho Vigalondoren Daniela Forever euskal koprodukzioaren aurrestreinaldia egingo dute. Sayaka Producciones-ek ekoiztua da, Wrong Men, Señor y Señora, Mediacrest Entertainment eta XYZ Filmsekin batera, eta irailean estreinatu zen Torontoko Zinemaldian; Sitgesko zinema jaialdian eta berriki Zinemastean erakutsi dute ere.

Bere ametsak kontrolatzeko ahalmena emango dion saiakuntza kliniko batean parte hartzera gonbidatuko duten Nicolasen istorioa kontatuko du, Daniela neska-lagunaren heriotzaren ondoren bere bizitzak zentzu guztia galdu duela sentitzen duenarena. Proba klinikoari baiezkoa emango dio, eta neska-laguna suspertuko duelakoan. Orain Nicolasek gauero amets egin dezake Danielarekin eta elkarren artean inoiz baino idilikoagoa den harremanari berriro ekin. Ametsetan bada ere. Eta haietan bere burua betiko galtzeko arriskuarekin.