Mosaiko Italiarraren bosgarren edizioa aurkeztu dute. Herrialdeko errealitate anitzak ezagutzara emateko asmoz, Donostiako Italia Txiki Elkarteak antolatutako Mosaiko Italiarra zikloak bosgarren edizioa beteko du aurten. 2024ko urrian hasi eta 2025eko maiatzera bitartean luzatuko da, eta “tokia”-ren ideia izango du ardatz, bere esanahi eta berezitasun guztiekin: “Tokia da emigratu behar izan duenaren harrerako herrialdea, fantasia eta ametsak adierazteko aukera ematen duen toki magikoa, edo bakartzen gaituen espazioa, biltzen gaituen espazioa, edo Historia Handiaren antzoki bihurtzen dena”.

Zikloa Dino Risiren Il segno di Venere (1955) komediak itxiko du, gaur. Sophia Loren eta Franca Valerdi dira aktoreak, eta hain zuzen ere, azken hau goratuko dute saioan. Cesira eta Agnese lehengusinak dira, eta elkarrekin bizi dira Erroman. Agnese ederra eta ikaragarria da, eta Cesira, berriz, ameslaria eta sentimentala. Agnesek begirada guztiak erakartzen ditu, Cesira, aldiz, beti oharkabean pasatzen da. Hala eta guztiz ere, Cesirak bere bizitzako gizona aurkitu nahi du, eta, iragarle batengana joango da.