Ingurumen Zinema Zikloa, Otsagabiko Natur Interpretazio Zentroan. Urtero legez, Otsagabiko Natur Interpretazio Zentroak kultur eskaintza berezia prestatu du abenduko zubiaren bueltarako: irteerak, tailerrak, eta noski, zinema emanaldiak. Naturari buruz hausnartzeko helburua duen Ingurumen Zinema Zikloa antolatu dute Nafarroako Gobernuarekin eta Nafarroako Filmotekarekin lankidetzan.

Kilian Jornet mendi korrikalaria izango da Into The (Un)known dokumentaleko ardatza; kirolariak erronka fisiko eta mentala gauzatuko du. Pirinioetako zaindari eta lagunen laguntzari esker, 3.000 metroko mendi garrantzitsuen gailurrak zapaldu nahiko ditu.