‘Las letras de Jordi’ filma, Ikusmira Berriak programaren urteurren zikloan. Ikusmira Berriak programaren 10. urteurrena ospatzeko asmoz, Donostiako Tabakalerak atzera begirako berezia prestatu du, bertan landu dituzten 21 film proiektatzeko asmoz. Egonaldi programa Elias Querejeta Zine Eskolarekin batera antolatzen du kultur zentro donostiarrak. Egitasmoaren hirugarren edizioan parte hartu zuen Maider Fernandez Iriartek, 2017an, eta bertan garatu zuen Las letras de Jordi proiektua. Bada, hilaren 8an ikusgai izango da Tabakaleran, 19:00etan hasita.