Gazte Epaimahaian izena emateko epea ireki du 22. Giza Eskubideen Zinemaldiak. 18 eta 30 urteko 100 gazte inguruk osatuko dute 2024ko Giza Eskubideen Zinemaldiko Gazte Epaimahaia, eta dagoeneko jaialdia hasi da nazioarteko lehiaketako film labur onena erabakitzeko ardura hartuko dutenen bila. Interesa dutenek, martxoaren 7a izango dute izena emateko azken eguna, eta horretarako, ondoko estekara jo beharko dute. Behar izatekotan, izen-emateak plaza kopurua gainditzen badu, zozketa egingo dute martxoaren 19an.