Deialdiak

Zabalik da 2021eko Piztu META! deialdia

Gipuzkoako Foru Aldundiko Kultura Departamentuak, Goteo Fundazioarekin lankidetzan, Piztu META! matchfunding deialdia jarri zuen abian 2016an, eta ekimenaren 6. ekitaldia zabalik da ekainaren 23ra arte. Guztira 15 proiektu hautatuko dituzte, eta irailetik aurrera herritarrek egindako diru ekarpenaz gain, Aldundiak beste 70.000 euro jarriko ditu berauek finantzatzeko.

0
Egilea |2021-05-12T12:20:17+02:0012 maiatza, 2021|

Zabalik da ‘Koprodukzioak nazioartekotzeko bideak’ aholkularitza deialdia

Europa Creativa Desk MEDIA Euskadik, Donostia Zinemaldiarekin eta Tabakalerarekin elkarlanean, nazioarteko bokazioa duten zinema proiektuentzako aholkularitza saioen 8. edizioa antolatu dute, eta deialdian parte hartzeko epea zabalik da maiatzaren 20ra arte. Horrekin lotuta, doako masterclass irekia eskainiko dute ekainaren 15ean.

0
Egilea |2021-05-11T11:57:08+02:0011 maiatza, 2021|

Sustrailak sormen laborategian izena emateko epea, zabalik

Kalakalab elkarteak eta Garaion Naturartea elkarteak, Zineleku ekimenaren testuinguruan, Sustraiak izeneko idazketa laborategia antolatu dute. Hiru eguneko egonaldia izango da Garaion (Araba), ekainaren 20tik 22ra, eta parte hartzaileek ikus-entzunezkoen proiektu baten ideia garatu eta idazteko aukera izango dute Harkaitz Cano eta Katixa Agirre idazleen laguntzarekin. Izen-ematea maiatzaren 18an itxiko dute.

0
Egilea |2021-05-06T12:35:28+02:006 maiatza, 2021|

Zabalik da Hemendik egonaldiaren lehen edizioan izena emateko epea

Ekainean Baionan egingo duten Rencontres sur les docks festibalaren testuinguruan eta Gaztefilm Fest jaialdiaren eta Zukugailua elkartearen laguntzarekin, ikus-entzunezko proiektuak garatzeko Hemendik egonaldi laburra antolatuko du L’Atalante zinema-gelak ekainaren 23tik 25era, asteazkenetik ostiralera. Sortzaile berriei beren egitasmoak garatzeko laguntza eskaintzea du helburu, zinemaren alorreko profesionalen eskutik.

+1
Egilea |2021-05-10T12:20:17+02:005 maiatza, 2021|

Zabalik da 9. Santurzine jaialdira lanak aurkezteko epea

Urriaren 1etik 16ra egingo dute Santurtziko Zine Jaialdiaren 9. ekitaldia, eta antolatzaileek ekimenaren bost atalak zein sarien zenbatekoa mantentzearen alde egin dute. Horrez gain, ostalaritza eta kultura seguruak direla erakusteko, emanaldiak hiriko tabernetan proiektatuko dituzte, eta iaz estreinakoz egin zuten Santurtzi Zine Lantegia jardunaldiak errepikatzeko asmoa ere iragarri dute.

0
Egilea |2021-05-04T10:49:10+02:004 maiatza, 2021|

Ikus-entzunezko sektorarentzako Generazinema laguntzak kaleratzear, Nafarroan

Nafarroako Foru Gobernuko Kultura eta Kirol Departamentuak 1,4 milioi euro bideratuko ditu Generazinema izenpean bildutako ikus-entzunezko sektorearentzako laguntza deialdi-sortara. Ekoizpena, garapena, bistaratzea, promozioa eta jaialdien antolaketa adarrak bereizi dituzte, eta 2020ko azarotik 2022ko urrira arteko epeari eragiten diote.

+1
Egilea |2021-05-03T12:19:14+02:003 maiatza, 2021|

Film luze eta telesailen garapenerako laguntzak kaleratu dituzte

Eusko Jaurlaritzaren Kultura eta Hizkuntza Politika sailak film luzeak, telesailak eta telesail laburrak garatzeko 2021eko diru-laguntza deialdia kaleratu berri du. Proiektuak aurkezteko epea hilabetez luzatuko da, ekainaren 1era arte, eta 400.000 euroko aurrekontutik 250.000 euro bideratuko dituzte film luzeen atalera.

0
Egilea |2021-04-30T11:59:38+02:0030 apirila, 2021|

26 artista hautatu dituzte Geuretik Sortuak deialdiaren lehen edizioan

16 ipuin, 5 antzezlan eta 5 film garatzeko egonaldiak eskainiko ditu Udalbiltzaren Geuretik Sortuak deialdiak aurtengo lehen edizioan. 26 artistaren lanak izango dira, eta haietako bakoitzak hiru aste inguru egingo ditu bere bizilekua ez den eta proiektuarekin bat egin duen udalerriren batean. Kulturaren alorreko izen ezagunek zein sortzaile berriagoek hartuko dute parte.

+1
Egilea |2021-04-30T13:11:30+02:0029 apirila, 2021|

European Film Awards sarietara lanak aurkezteko epea, zabalik

Europako Zinemaren Akademiak datorren abenduaren 11n ospatuko du Berlinen European Film Awards sarien 34. edizioa, eta deialdira hautagaitzak aurkezteko epea zabaldu dute maiatzaren 31ra arte. 26 kategoria bereizi dituzte, azken urtean Europan egindako lanen eta haietan jardundako profesionalen kalitatea goresteko.

0
Egilea |2021-04-26T11:43:10+02:0026 apirila, 2021|
Go to Top