Deialdiak

Europa Creativa MEDIAk 20201eko laguntza deialdiak zabaldu ditu

Sorkuntza eta kultura sektoreak sustatzea helburu duen Europar Batasunaren Europa Creativa programaren baitan, ikus-entzunezkoen eta zinemagintzaren alorretara bideratutako MEDIA azpiatalak 2021eko diru laguntza deialdietara proiektuak aurkezteko epeak zabaldu ditu. Hamazazpi atal banatu dituzte, tartean, nazioarteko koprodukzioak dituzten ekoizleei zein ikus-entzunezko azoka eta zinema jaialdiei zuzendutakoak.

Egilea |2021-07-21T11:53:36+02:0021 uztaila, 2021|

Gasteizko Udalak ikus-entzunezko laguntzen ebazpena kaleratu du

Ikus-entzunezkoen garapenerako eta ekoizpenerako laguntza ekonomikoen 2021eko deialdia kaleratu zuen Gasteizko Udalak iragan martxoan, eta iragan ostiralean, uztailak 16, eman zuen ebazpenaren berri. Hamabi egitasmo lagunduko dituzte orotara, ia 100.000 eurorekin. Lau, proiektu, aldiz, deialditik kanpo geratu dira.

Egilea |2021-07-20T11:30:17+02:0020 uztaila, 2021|

Zinemaldiko Bideotekara lanak aurkezteko epea, zabalik

Donostia Zinemaldiak sail guztietako filmak zein jaialdian hautatuak izan ez diren Espainiako eta Latinoamerikako proiektuak biltzen dituen Bideotekara lanak aurkezteko epea zabaldu du. Industriako profesional akreditatuen eskura jarritako zerbitzua da, eta lehiaketa amaitu eta beste hilabetez luzatzen da. Izen-ematea irailaren 6ra arte izango da zabalik.

Egilea |2021-07-16T08:46:12+02:0015 uztaila, 2021|

Espainiako Zinemaren Lege berriari ekarpenak egiteko epea, zabalik

Hego Euskal Herriko zinemagintza industria arautzen duen Espainiako Zinemaren Legea eguneratzeko urratsak egiten ari da Kultura eta Kirol Ministerioa, eta egokitzapenak proposatzeko kontsulta publikorako epea ireki du uztailaren 25era arte. Legearen eguneraketak beren jardunean eragiten diela frogatzen duten profesionalei zuzenduta dago, eta reformaleycine@cultura.gob.es helbidea sortu dute.

Egilea |2021-07-08T11:36:12+02:008 uztaila, 2021|

Zabalik da Ikusmira Berriak programaren 2022ko deialdia

Donostia Zinemaldiak, Tabakalerak eta Donostia 2016 Kultur Hiriburutzak elkarlanean abiatu zuten 2015ean Ikusmira Berriak egonaldi-programa, Euskadiko Filmategiarekin lankidetzan, eta 2022ko deialdira proiektuak aurkezteko epea zabaldu berri dute, irailaren 1era arte. Indarra hartzen ari den talentua eta ikus-entzunezko sorkuntza babesteko eta bultzatzeko xedea du.

Egilea |2021-07-02T12:55:41+02:002 uztaila, 2021|
Go to Top