Nazioarteko lehiaketako film labur onena erabakitzeko ardura hartuko dute 100 gazte inguruk; martxoaren 7ra arte eman dezakete izena interesatuek. Halaber, zabaldu dute eskola saioetarako izen-ematea.
Otsailaren 1arekin zabalduko du Elias Querejeta Zine Eskolak 2025-2026 ikasturterako inskripzioa. Gaduondoko hiru programetan ikasketak burutu nahi dituztenek, otsailaren 28ra bitarteko epea izango dute.
Harkaitz Canok gidatuta, ikus-entzunezko sorkuntza kolektibo bat garatuko dute 10 partaidek, Donostiako Kultura Garaikidearen Nazioarteko Zentroan. Izen-emate deialdia urtarrilaren 31ko 12:00ak arte dago zabalik.
Maiatzaren 2tik 10era ospatuko dute zinemaldi bilbotarraren 2025eko edizioa. Izen-emate epea otsailaren 2ra arte dago zabalik.
APIKA – Arabako Ikus-entzunezko Produktoreen Elkarteak antolatzen duen Apika Audiovisual Project Lab programaren arduradunek bosgarren ediziorako izena emateko epea ireki dutela jakinarazi dute. Proiektuak bidaltzeko epea otsailaren 28ra arte egongo da zabalik.
2025eko urtarrilaren 27a izango da epemuga Eusko Jaurlaritzaren Hezkuntza, Hizkuntza Politika eta Kultura Sailak gidoiak egitera bideratutako sorkuntza deialdian proiektuak aurkezteko. 12 laguntza emango dira, 156.000 €-ko zuzkidura banatzeko.
Jaialdiaren sail orokorretan eta Culinary Zinema atalean parte hartu nahi duten filmen arduradunek ekainaren 17ra arte izango dute proposamenak bidaltzeko aukera.
Martxoaren 7tik apirilaren 11ra bitartean egingo da 2025eko edizioa. Urtarrilaren 26ra bitartean bidal daitezke proiektuak; 25 minututik beherakoak behar dute izan.
Zukugailua elkarteak eta Baionako L´Atalante Zinemak zinemagile berriei zuzenduriko HEMENDIK egonaldi laburraren bosgarren edizioa egingo dute apirilaren 1etik 3ra. Otsailaren 3ra arte egongo da zabalik proiektuak aurkezteko deialdia.
Europa Creativa Desk MEDIA Euskadi bulegoak eta Tabakalerak film luzeen eta dokumentalen proiektuen gidoiak idaztera bideratutako tailerra egingo dute otsailean, Miguel Machalski gidoi analista ospetsuaren gidaritzapean. Donostiako Nazioarteko Kultura Garaikidearen Zentroko ikus-entzunezko laborategian izango da, hilaren 10ean eta 11n.
