Generazinema Sustapena deialdia zabalik da
Lurraldeko ikus-entzunezko sektore profesionalaren baitako filmak sustatzeko eta hedatzeko ekintzak lagunduko ditu Nafarroako Gobernuak 2025ean ere. Hiru modalitate zehaztu dituzte.
Euskal emakume egileentzako film laburren II. gidoi lehiaketa, deialdia zabalik
Fikziozko gidoiak galdegin ditu Gidoi – Euskadiko Gidoigileen Elkarteak. Idazkiak gaztelaniazko edota euskarazkoak izan daitezke, eta apirilaren 29an (12:00etan) itxiko dute izen-ematea.
‘Faisaien irla’ filmaren aurrestreinaldia, Donibane Lohizunen
Apirilaren 19an, 20:30ean, Le Select zineman pantailaratuko dute Asier Urbietaren opera prima. Zinemagile errenteriarrarekin eta aktoreekin solasaldia egingo da emanaldiren ostean.
Donostiako CIMASUB festibalaren izen-ematea zabaldu dute
CIMASUB – Donostiako Itsaspeko Zinemaren Nazioarteko Zikloak 49. edizioko lehiaketan parte-hartzeko epea zabaldu berri du. Mundu osoko argazkilari eta zinemagileak galdegin dituzte argazki, film labur eta itsaspeko dokumentalak aurkeztera, 2025eko irailaren 15a baino lehen.
‘Ombuaren itzala’ filma Bilboko Kafe Antzokian aurkeztuko dute
Patxi Bisquerten opera prima apirilaren 15ean (asteartea) pantailaratuko dute; saioa 19:00etan abiatuko dute eta zuzendaria bertan izango da. Hilaren 29an Bira Kultur Gunean ere egongo da ikusgai.
Zineuskadik argitara eman du Zinema Euskaraz programaren kontrataziorako baldintza teknikoen agiria
Zineuskadi Elkarteak Zinema Euskaraz 2025 programarako bikoizketa eta kontrol teknikoaren zerbitzua kontratatzeko baldintza teknikoen agiria plazaratu du dagoeneko.
‘L’Histoire de Souleymane’ filma nagusi, Giza Eskubideen 22. Zinemaldian
Ikus-entzuleek Boris Lojkinek zuzendutako lana izan dute gogokoen (9,32 puntu); Amnesty International-ek Tratado de invisibilidad (Luciana Kaplan) saritu du. Aldiz, Black Scarf (Ali Reza Shah Hosseini) film labur irandarrak irabazi du Gazte Epaimahaiak ebatzitako saria, eta 16060 egun (Iñaki Alforja eta Iban Toledo) obrak Euskal Film Labur Onenaren EITB Saria.
Kutsidazu 423. ‘ESTIU 1993’
Zuzendariak: Carla Simon Urtea: 2017 Iraupena: 97 min. Herrialdea: Espainia Generoa: Drama | Gertakari errealetan oinarrituriko istorioa 1993ko uda. Bere gurasoak hil ondoren, Frida, sei urteko haurra, Bartzelonatik Kataluniako landa-eremura lekualdatzen da, legezko izendatu dituzten izeba-osabekin bizitzeko. Haren bizileku berrian, denbora bestela igarotzen da, eta inguruan duen natura misteriotsua eta urruna da. Baina aldaketa gehiago daude: orain, Fridak zaindu beharreko ahizpa txiki bat du. Familiak
Nafarroa izango da 2025ko CORTEN topaketaren agertokia
CORTEN jardunaldia Iruñera itzuliko da maiatzaren 16an eta 17an, film laburraren inguruko emanaldiak eta hitzordu profesionalak egiteko plaza izateko xedez. Erkidego arteko ekimen honek, komunitate parte-hartzaileen katalogoetan aukeratutako film laburrak sustatzen eta zabaltzen ditu, besteak beste, Nafarroakoak.
‘Popel’ filma Pragan aurkeztuko du Oier Plaza gernikarrak
Oier Plaza euskal zinemagileak Pragan (Txekiar Errepublika) aurkeztuko du Popel (2025) film berria, datorren apirilaren 15ean. Filmak islatzen duen istorioko protagonista diren deportatuen senideak izango dira bertan.
