Ekainaren 7an, 14an eta 21ean Errealitatearen tolesturak, zinema garaikidearen fantasiazko joerak ikastaroa eskainiko du Maider Oleaga zinegileak Gasteizko Montehermoso Kulturunean. Zinema garaikidearen baitan, joera bat erakusten duten lanen arteko bideak identifikatzen ikasiko dute ikasleek, eta izen-ematea zabalik da jada.
Cannesko zinema jaialdiarekin paraleloan antolatzen duten La Quinzaine des Realisateurs sailaren 49. edizioan ikusgai izango diren filmen zerrenda kaleratu dute gaur, eta hogeitik gora izenen artean, Jaialdiko Sail Ofizialean parte hartu izan duten hainbat zinegile ezagunen lanak topa ditzakegu, hala nola, Abel Ferrera, Bruno Dumont eta Claire Denis.
Lau urteren ostean, iragan martxoan, XI. Punto de Vista Iruñeko Zinema Dokumentalaren jaialdiaren amaieran, zuzendari artistiko kargua utzi zuen Oskar Alegriak. Hautagaitzak aurkezteko deialdia zabaldu zuten orduan, eta epaimahaiak, aurkeztutako bederatzi proposamenen artean, Garbiñe Ortega Postigo (1981) gasteiztarrarena aukeratu du.
Gaur iluntzean, apirilak 7, egingo dute 15. Giza Eskubideen Zinemaldiko itxiera ekitaldia, eta Kristina Grozeva eta Petar Valchanov zinegileen Slava (Glory, 2916) film bulgariarraren emanaldiarekin batera, jaialdiko sariak banatuko dituzte.
Nantesko Festival du Cinéma Espagnol jaialdiaren 27. edizioa gaur bertan, martxoak 22, abiatuko dute. Sail lehiakorretan bederatzi euskal filmek hartuko dute parte, eta Eusko Jaurlaritzak sortutako La Fenêtre Basque zikloan beste lau lan izango dira ikusgai.
Gaur, abenduak 21, urteko egunik motzenean eta negurako atea zeharkatuko dugun honetan, El día más corto jaialdiaren laugarren edizioa egingo dute munduko 100dik gora herri eta hiritan. Ekimenaren helburu nagusia film laburrak zabaltzea da, plaza, eskola, museo, ospitale eta bestelako aretoetan egindako doako emanaldien bidez. Euskal Herrian, Donostian, Bilbon, Baionan, Eibarren eta Gasteizen egingo dituzte proiekzioak.
Azaroaren 5etik 26ra Victor Erice zinegile bizkaitarrari buruzko atzera begirako zikloa egingo dute Donostiako Tabakaleran, eta emanaldiez gain, Dokumentala eta fikzioa: zinemaren izaera bikoitzera gerturatze bat tailerra antolatuko dute Euskadiko Filmategiak eta Tabakalerak elkarlanean.
https://youtu.be/015t5Fijie8 Urriaren 6tik 11ra luzatu da aurten Donibane Lohizuneko nazioarteko zinema jaialdiaren bigarren edizioa, eta besteak beste, Thomas Bidegain zinegile zuberotarra eta Lara Izagirre saritu dituzte; lehenak zuzendari onenaren garaikurra eskuratu du Les Cowboys filmagatik, eta bigarrenaren Un otoño sin Berlín lanak epaimahai gaztearen saria jaso du.
Historian lehen aldiz, euskarazko film bat AEBetako zinema komertzialetan izango da ikusgai hil amaieratik aurrera. Jon Garaño eta Jose Mari Goenagak zuzendutako Loreak (Flowers izenburupean) New Yorkeko eta Los Angeleseko zinema areto banatan eskainiko dute.
Durangoko Azokaren 50. edizioa abenduaren 4tik 8ra luzatuko da, eta bertako espazioetan, hala nola, Irudienean, Kabi@n, Szenatokian eta Ahotsenean, sortzaileek euren lanak erakusteko aukera izango dute beste behin ere. Izena emateko epea urriaren 16ra arte izango da zabalik.
