Sorpresa handirik ez da izan bart ospatu den sari-banaketa ekitaldian. Sean Bakerren Anora filma izan da nagusi, zinema independentea eta bazterreko narratibak Hollywoodeko erdigunean jarriz, pilatzen zituen sei hautagaitzetatik eta bost irabazita: film onena, zuzendari onena, emakumezko aktore onena, jatorrizko gidoi onena eta muntaketa onena.
13 hautagaitzarekin faborito nagusia Emilia Perez (Jacques Audiard) musikal frantziarra bazen ere, bi kategoriatan nagusitu da soilik -abesti onena eta taldeko emakumezko aktore onena (Zoe Saldaña)-; The Brutalist monumentala, aldiz, hirutan -gizonezko aktore onena (Adrien Brody), argazki-zuzendaritza onena eta soinu banda onena-. Bere aldetik, Kieran Culkin (A Real Pain) izendatu dute taldeko gizonezko aktore onena.
Jarraian duzue palmares osatua eta filmen kritikak:
- FILM ONENA: Anora, Sean Baker
- ZUZENDARI ONENA: Sean Baker, Anora
- EMAKUMEZKO AKTORE PROTAGONISTA ONENA: Mikey Madison, Anora
- GIZONEZKO PROTAGONISTA AKTORE ONENA: Adrien Brody, The Brutalist
- TALDEKO EMAKUMEZKO AKTORE ONENA: Zoe Saldaña, Emilia Pérez
- TALDEKO GIZONEZKO AKTORE ONENA: Kieran Culkin, A Real Pain
- JATORRIZKO GIDOI ONENA: Sean Baker, Anora
- EGOKITUTAKO GIDOI ONENA: Peter Straughan, Conclave
- NAZIOARTEKO FILM ONENA: I‘m still here (Ainda estou aqui), Walter Salles (Brasil).
- ANIMAZIOZKO FILM ONENA: Flow, Gints Zilbalodis
- FILM LUZE DOKUMENTAL ONENA: No Other Land, Yuval Abraham, Basel Adra, Rachel Szor eta Hamdan Ballal
- ARGAZKI ZUZENDARITZA ONENA: Lol Crawley, The Brutalist
- MUNTAKETA LAN ONENA: Sean Baker, Anora
- JANTZIEN DISEINU ONENA: Paul Tazewell, Wicked
- SOINU BANDA ONENA: Daniel Blumberg, The Brutalist
- ABESTI ONENA: El mal (Emilia Pérez), Clément Ducol, Camille eta Jacques Audiard
- EKOIZPEN ZUZENDARITZA ONENA: Craig Lathrop eta Beatrice Brentnerová, Wicked
- SOINU ONENA: Gareth John, Richard King, Ron Bartlett eta Doug Hemphill, Dune: Part Two
- EFEKTU BEREZI ONENAK: Paul Lambert, Stephen James, Rhys Salcombe eta Gerd Nefzer, Dune: Part Two
- ILE-APAINKETA ETA MAKILLAJE ONENAREN SARIA: Pierre-Olivier Persin, Stéphanie Guillon eta Marilyne Scarselli, The substance
- FILM LABUR ONENA: I’m Not a Robot, Victoria Warmerdam
- ANIMAZIOZKO FILM LABUR ONENA: In the Shadow of the Cypress, Shirin Sohani eta Hossein Molayemi
- FILM LABUR DOKUMENTAL ONENA: The Only Girl in the Orchestra, Molly O’Brien eta Lisa Remington
