Gamboa – Ekologia eta Ingurumen Zinemaldian parte hartu duten sei film labur eskainiko dituzte larunbatean, Kuartango Lab Antzokian. 19:15ean hasiko da saioa, eta emanaldien ostean solasaldia egongo da.
Ingurumen gaiak jorratzen dituzten eta gure ekintzen eraginean kontzientziatzen laguntzen duten film laburren hautaketaz gozatzeko aukera egongo da bihar, otsailaren 15ean, Zuatzu-Kuartangoko Kuartango Lab Antzokian. Eco-Cine Itinerante izenpean, sei lan pantailaratuko dituzte.
Gamboa – Ekologia eta Ingurumen Zinemaldian parte hartu duten lanak egongo dira 19:15ean hasita ikusgai, eta ostean solasaldia egongo da: “Proiekzioaren ondoren, eztabaida gune bat egongo da, gaien inguruan hausnartzeko”.
Jarraian duzue film laburren zerrenda:
- Camino Roya. Un mapa de ida y vuelta (Rocío Rodríguez)
- Bidea / Gamboa camino final (Ramón Aguirrezabal)
- EAT (Lorenzo Carbonell Zaragoza)
- NANA (Alberto Matabuena)
- The Weeds (Ciro Izurrategui)
Ni rastro de los saltamontes (Iker Aguirre Vea-Murguía)
