EBAZPENA | Azoka profesionaletan parte-hartzeko dirulaguntzen deialdia

Euskal Autonomia Erkidegotik kanpo egiten diren merkatuetan, azoketan eta ekitaldi profesionaletan parte hartzeko ikus-entzunezkoen profesionalentzako laguntza-deialdiko bigarren zatiaren ebazpena plazaratu du Zineuskadi Elkarteak.

Zineuskadi Elkarteak, Kultura eta Hizkuntza Politika Sailarekin lankidetzan, egokitzat jo du beste urte betez ikus-entzunezkoen jardun profesionala babestea, besteak beste, EAEtik kanpoko ikus-entzunezkoen sektorearekin lotutako azoka, merkatu eta ekitaldi profesionaletan parte hartzeko dirulaguntzak emanez. Helburu hirukoitzari erantzuten dio estrategia horrek: sektoreak nazioartekotzeko egiten duen ahalegina bultzatzea; kultura-ekoizpenei koprodukzioa bezalako irtenbide komertzial berriak bilatzea; eta EAEko kultura-eragileen eta nazioarteko eragileen arteko topaketak eta trukeak sustatzea.

Bada, 2024ko bigarren seihilekoan, EAEtik kanpo egindako ikus-entzunezkoen sektoreko merkatu, azoka edo ekimen profesionaletara egindako parte-hartzeak babestu ditu deialdiak, alegia, joan-etorri bidaiak (garraioa, kilometrajea…), ostatua eta mantenu-dietak. Presentzia onlinekoa izan den kasuetan, halaber, taldeko edo enpresako bi ordezkariren akreditazioa ordaindu da.

Bada, finkatutako oinarriei jarraiki, aurkeztutako eskaerak eta dokumentazio guztia aztertu ostean, Balorazio Batzordeak aurkeztutako proposamenak ebaluatu eta honako ebazpena plazaratu du:

MERKATUETARA JOATEKO EMANDAKO LAGUNTZAK