Shiori Itô zinemagileak berak propio jasandako bortxaketak ikertu ditu filmean. Ekoizpen euskal herritarrei dagokienez, Indarkeriaren Oi(h)artzunak (Amaia Merino eta Ander Iriarte) eta Sorcières: chronique d’un massacre (Marie Thiry) lanak erakutsi dituzte.
Urtarrilaren 24tik otsailaren 1era bitartean ospatu dute Miarritzeko FIPADOC Dokumentalen Nazioarteko Jaialdia. 150 dokumental izan dira ikusgai, eta 16 sari eskuratzeko lehian aritu dira. Bada, dagoeneko ezagutarazi dute Euskal Herrian ospatzen den lehen hitzordu handiaren ebazpena. Epaimahaiak Black Box Diaries (Shiori Itô) film japoniarra aukeratu du 7. edizioko nazioarteko sail lehiakorrean garaile, eta filmaren ekoizleek Akitania Berria eskualdearen eskutik 5.000 euro jaso dituzte. Zinemagileak berak propio jasandako bortxaketa ikertu du bertan.
Bosniako gerra bukarazi zuten Daytoneko akordioak sinatu zireneko 30. urteurrenarekin bat, Balkanetako egoerari eskainitako sail oso bat hartu du jaialdiak -Focus Balkans-, eta zortzi lan proiektatuko dituzte bertan, Albaniako, Bosnia Herzegovinako, Kroaziako, Greziako, Kosovoko, Montenegroko, Ipar Mazedoniako, Serbiako eta Esloveniako aktualitateari eta iraganari buruz.
Era berean, Ukrainako inbasioari buruzko lanak ere izan dira ikusgai, eta Israel eta Palestinari buruzkoak, hala nola The Bibi files Benjamin Netanyahuren ustelkeria auziei buruzkoa eta I shall not hate Israelen lan egiten duen palestinar zirujau baten istorioa.
Euskal ekoizpen bat ere egon da ikusgai, Indarkeriaren Oi(h)artzunak Amaia Merino Unzueta eta Ander Iriarteren lana, Giza Eskubideen Donostiako Zinemaldiko film onenaren sariaren irabazlea, eta Lapurdiko sorgin ehizari buruzko lan bat ere, Sorcières: chronique d’un massacre (Marie Thiry), lehiatik kanpo.
Jarraian irabazleen zerrenda:
- Grand Prix documentaire international: Black Box Diaries (Shiori Itô)
- Grand Prix documentaire national: Bosco Grande (Giuseppe Schillaci)
- Grand Prix documentaire musical: Soundtrack to a coup d’etat (Johan Gimonprez)
- Grand Prix documentaile Impact: Yintah (Jennifer Wickham, Brenda Michell eta Michael Toledano)
- Prix du public INA madelen: Golo et Ritchie (Martin Fougerol eta Ahmed Hamidi)
- Pric Sacem de la musique originale: Le veilleur (Lou de Pontaqvide eta Victorie Bonin Grais)
- Prix Droits humains en action: Papa (Lina Vdovii eta Radu Ciorniciuc)
- Prix du court-métrage: Echappée belle (Nicola Olic)
- Prix Jeune création: Confession (Rebeka Bizubová)
- Prix Tënk: Pourvu que ça dure (Louise Chauchat)
- Prix des jeunes européens: À nos coeurs qui murmurent (Vytautas Puidokas)
- Prix Mitrani: Black Box Diaries (Shiori Itô)
- Prix ciné +: The flats, apparts à Belfast (Alessandra Celesia)
- Prix pour les femmes dans les mèdias: Hawar, nos enfants bannis (Pascale Bourgaux)
- Prix coup de coeur dans les murs: Opération Trump, les espions russes à la conquëte de l’Amérique (Antoine Vitkine)
- Prix Smart: Human violins (Ioana Mischie)
- Prix PFDM: Soudan, souviens-toi (Hind Meddeb)
Leave A Comment