RTVE-Beste Begirada eta Espainiako Lankidetza sarietarako hautagaiak, 72SSIFF-en

Emakumeen errealitateak lantzen dituen film luze onena, eta giza garapenerako, pobrezia desagerrarazteko eta giza eskubideak bermatzeko ekarpen handiena egiten duena aitortuko dituzte, aurten ere, RTVEk eta AECIDek. Irabazleen berri irailaren 28ko itxiera-galan emango dute epaimahaiek.

Urtero legez, Donostia Zinemaldiaren baitan, jaialdiaren babesle ofiziala den RTVE taldeak RTVE-Beste Begirada Saria banatuko dio emakumearen errealitatetik hurbil dauden gaiak arlo guztietan lantzen dituen film luze onenari. Aitortzaren XVIII. edizioa izango da aurtengoa, eta zazpi film dira berau jasotzeko hautagaiak.

Epaimahaia Elena Sánchez Caballero RTVEko presidente ohiak, Juana Macías zinemagileak eta Paz Lázaro ekoizle eta programatzaileak osatuko dute, eta irailaren 28an egingo den amaiera-ekitaldian jakinaraziko dute irabazlea.

Jarraian duzue hautagaien zerrenda:

Emmanuelle (Audrey Diwan) | Sail Ofiziala
On Falling (Laura Carreira) | Sail Ofiziala
Gülizar (Belkis Bayrak) | New Directors
Cidade; Campo (Juliana Rojas) | Horizontes Latinos
La pien en la primavera (Yennifer Uribe Alzate) | Horizontes Latinos
Aprili (Dea Kulumbegashvili) | Zabaltegi-Tabakalera
All We Imagine As Light (Payal Kapadia) | Perlak

Bestalde, hamargarren urtez, AECID – Garapenerako Nazioarteko Lankidetzako Espainiako Agentziak bultzatuta, Espainiako Lankidetza Saria emango dute. Giza garapenerako, pobrezia desagerrarazteko eta giza eskubideak bermatzeko ekarpen handiena egiten duen film iberoamerikarra sarituko du, eta Zinemaldiaren itxieran ezagutaraziko da irabazlea. Erabakia hartzeaz Ricardo Díez Muiño Donostia International Physics Center (DIPC) zentroko zuzendaria, Eva Monente kazetaria eta Enric-Sol Brines i Gomez AECIDeko komunikazio-zuzendaria arduratuko dira.

Jarraian duzue hautagaien zerrenda: