Zuzendaria: Ingmar Bergman
Urtea: 1978
Iraupena: 99 min.
Herrialdea: Alemania
Generoa: Drama | Drama psikologikoa
Charlotte piano-kontzertista ospetsua da, eta bere ibilbidean hain murgilduta egon denez, ez du bere alaba Eva zazpi urtean ikusi. Bere aldetik, Evak, bere senarrarekin eta larriki ezgaitutako ahizpa batekin bizi denak, maitasun-gorroto harremana du amarekiko. Hainbeste urteren ondoren, Charlottek bisitan joatea erabakiko du. Gordintasun emozionalez beteriko solasaldiak izaten doazen heinean, haien artean urteetan egon diren oroitzapen eta umiliazioak azaleratuko dira.
Filmak atzerriko film onenaren Urrezko Globoa jaso zuen. Halaber, bi Oscar saritarako hautagaia izan zen, emakumezko aktore protagonista onenaren (Bergman) eta jatorrizko gidoi onenaren kategorian, baina azkenean ez zuen bat ere lortu.
Ingrid Bergman aktorearen zinemarako film batetako azken antzezpena izan zen. Soinu banda Frédéric Chopin poloniar musikagilearen piano doinuek osatu zuten.
