The Little Mermaid (Rob Marshall)

Fantasia | Musikala | Remake

Arielek, Triton erregearen alaba gazteenak eta desafiatzaileenak, itsasoz haraindiko munduaz gehiago jakin nahi du. Arauak hautsi eta lurrazalera egingo duen bisita batean, Eric printze ederra ezagutu eta harekin maiteminduko da. Sirenek gizakiekin harremana egitea debekatuta duten arren, Arielek bere bihotza jarraitzea erabakiko du.

Extraña forma de vida (Pedro Almodovar)

Western | Drama

Gizon batek zaldiz zeharkatuko du Bitter Creek ibai hertzeko herrixkara heltzekobereizten basamortua. Jake sheriffa bisitatzera doa. Hogeita bost urte lehenago, biek (sheriffak eta Silvak, zaldi gaineko arrantxo-jabeak) elkarrekin lan egin zuten soldatapeko pistolari gisa. Silva gaztetako lagunarekin berriz elkartzeko aitzakiapean abiatu da haren bila, eta honek ondo baino hobeto hartuko du urrutiko lagunaren bisita. Biharamunean, ordea, ulertuko dute bidaiaren arrazoia ez dela aspaldiko adiskidetasunaren oroitzapena.

Lehen mailako aktore-taldea bildu du Pedro Almodovar zuzendari Espainiarrak western generoari egindako lehen hurbilketa duen honetan: Ethan Hawke, Pedro Pascal, Jason Fernandez…

Musikari dagokionean, aldiz, Alberto Iglesias donostiarraren sorkuntza lana da.

2023 | Cannesko Zinema Jaialdia: Mundu mailako aurre estreinaldia

Saint Seiya: Knights of the Zodiac (Tomasz Bagiński)

Ekintza | Fantasia | Drama | Abentura

Seiya (Mackenyu Arata) kaleko nerabe burugogorra da, eta bere ahizpa bahituaren bila dabil. Bizitza aurrera eramateko, dirutruk, kale borroketan aritzen da. Hain zuzen, horietako batean ezagutzen ez zituen botere mistikoak agertzen zaizkionean, Seiya gerran dauden santuen, antzinako entrenamendu magikoen eta bere babesa behar duen jainkosa baten munduan murgilduko da.

Il colibrì (Francesca Archibugi)

Drama

Pelikulak Colibri goitizenez ezaguna den Marco Carrera bizitza jarraituko du.

Nerabezaro garaitik abiatuta, non Marcok Luisa (Bérénice Bejo) ezagutzen duen, bizitza osoan maiteko duen emakumea; Erromatik igaro, non urte luzez Marina (Kasia Smutniak) emaztearekin eta Adèle alabarekin batera biziko den; eta Florentzian amaitu arte, non bere lagun eta psikoanalista Daniele Carradorekin (Nanni Moretti) batera, patuaren norabide eta kolpe aldaketa etengabeei aurre egiten irakatsiko dion.

La pecera (Glorimar Marrero Sanchez)

Drama | Gaixotasun

Minbinbiziak jotako Noelia protagonistak uko egin dio medikuak agindutako tratamendua jarraitzeari. Gaixotasunak eragindako itolarritik ihes egin nahian, Viegues jaioterrira itzultzea erabakiko du. Paradisuzko uharte puertorricar horretara heltzen denean, ordea, Estatu Batuetako armadak eragindako hondakin kutsakorren tonak deskubrituko ditu bere bizitzako itsasoa den horretan sakabanatuta.

Orduan nahastuko dira istorio honen bi trama nagusiak: alde batetik, emakumeak bere erabakiak errespetatu ditzaten abiatutako borroka; eta, bestetik, politika- eta ingurumen-arloko salaketa-talde batean abiatuko duen lan militantearen garapenarena.

2022 | Sundanceko Nazioarteko Jaialdia: Sail Ofiziala

2023 | Malagako Zinemaldia: Sail Ofiziala

.

Matar cangrejos (Omar A. Razzak)

Drama | Haurtzaroa | 90ko hamarkada

Rayco 8 urteko mutikoak eta Paula 14 urteko arrebak denbora pasatzeko entretenimendu berrien bila ematen dituzte egunak, ahal duten moduan, Michel Jackson Tenerifera noiz iritsiko zain dauden bitartean… bere amaren bapateko haurdunaldiak beren bizimodu lasaia irauliko duen arte.

2023 | Malagako Zinemaldia: Zonacine

Roger Waters: This Is Not A Drill – Live From Prague (Roger Waters, Sean Evans)

Dokumentala | Zuzenekoa | Musikala

Roger Watersek, Pink Floyden urrezko urteak bultzatu zituen indar sortzaileak, agur esateko baliatuko duen emanaldiaren transmisioa. This Is Not A Drill, Pragatik zuzenean, mundu osoko zinema-aretotan.

Tubular Bells 50th Anniversary Tour (Matt Hargreaves)

Dokumentala | Musika

Mike Oldfielden Tubular Bells diska ikonikoak mundu osoan astindu zuen 1973an merkaturatu zenean. Are, 50 urte geroago, urtean 100.000 disko baino gehiago saltzen jarraitzen du.

Bastidoreen arteko irudiek eta 4K formatuan errodaturiko zuzenekoaren grabazio ikusgarriek garai guztietako album instrumental salduenaren 50. urteurrena ospatuko dute.