Dokumentalen emisioari eskainitako hitzordu berri bat hartuko du gaur iluntzean Ipar Euskal Herriko Kanaldude Telebistak. 21:00etatik aurrera, Meseta (2019), Wildfrid (2019) eta Herriarekin (2019) lanak izango dira ikusgai.

Juan Palacios zuzendari espainiarraren film dokumentala da Meseta (2019), hustutako Espainia deiturikoaren erakusle. Han zuzen, Zamorako herri bateko bizilagunak eta haien bizipenak dira kontakizunaren oinarria: Gaztelako mesetan nonbait, artzain batek Titikakara bidaiatzea amesten du; erretiratuta dagoen musika-bikote batek bere urrezko garaia gogoratzen du; bi neskatila pokemon bila dabiltza zorterik gabe; eta agure batek lokartzeko hutsik dauden herriko etxeak kontatzen ditu. Film honetako pertsonaiak lurralde bateko istripu geografiko gisa agertzen dira, eta badirudi haien kultura eta bizimodua denboran desagertzen ari direla. Lurralde hori da istorio honen benetako protagonista. Behaketa eta kostunbrismo ia surrealistaren bidez, Espainiako landa-ingurunearen iraganean, orainean eta etorkizunean nabigatzeko pelikula-mapa bat da ikus-entzunezkoa. Bidaia sentsoriala Espainiako paisaia hutsean barrena.

Honen ostean. 22:30etik aurrera, Wilfrid (2019) lanak ohiz-kanpoko gizon gazten baten borroka arrunta azalduko du. Langileen seme, ez du ezer bere alde Patricia bere amaren etengabeko sostengu jarraikia salbu. Usaian onarpena haizatua den herrian sortua, Wilfridentzat garrantzitsua da: ikusia izatea, entzuna eta ezagutua. Aste buruetan, ilundura edo beste gogoeta ezezkorrei ostiko bat emateko xedez, taula gain hutsean, lotoak animatzen ditu. Abenturazale erraldoi honen irudi detonagarria desbideratzean, jendarte abandonatu eta zauritu baten gaitzak erakustera ematen dira.

Amaitzeko, 23:30etik aurrera, Euskal Herriaren independentziaren aldeko borrokan apezek izandako rola, eta baita ETAko zein Iparretarrakeko militanteekin izan dituzten harremanak ere mintzagai dituen Herriarekin (2019) film horrek. Haien engaiamenduaren urrats nagusiak erakusten ditu, nola kausa bati lotu ziren haren bortizkeriarekin bat egin gabe. Hirurogeita hamarreko hamarkadan bildu ziren eta « Herriarekin » taldea sortu zuten.