Gelditasuna ekaitzean (Alberto Gastesi)
Drama
Lara eta Daniel bikote protagonistak ekaitz egun batean ezagutu zuten elkar eta ezer gutxi mantentzen dute orduko pasio horretatik. Urte asko igaro dira; elkar ezagutu zutenean gazteak eta grinatsuak ziren, eta etorkizunak aukeraz beteriko herrialde urrun bat zirudien.
Orain, haien bideak berriro gurutzatu dira: Lara Paristik Donostiara itzuli da Telmorekin, bere bikotekidearekin, hirian behin betiko bizitzeko asmoz. Daniel, aldiz, ez da inoiz hiritik atera, orain bere andregaiarekin bizi da, Verarekin, eta amaren higiezin-agentzian egiten du lan. Larak eta Danielek salgai den etxebizitza baten bisitaldian egingo dute topo. Baina agian ez da elkar topatzen duten lehen aldia. Iraganaren eta orainaren artean, filmak beste garai batean beste bide batzuk hartzeko aukera izan zuten bi pertsonaren maitasun-istorioa aztertzen du.
Lehenengo film luze saiakera izan da Alberto Gastesi zuzendariarentzat, eta bera arduratu da ere, Alex Merinoren laguntzarekin, gidoia idazteaz. Loreto Mauleon eta Iñigo Gastesi dira protagonistak eta, horiekin batera, Aitor Beltranek eta Vera Milanek osatu dute aktore-taldea. Berezitasun gisa, filma txuri-beltzean errodaturik dago.
.
.
Marlowe (Neil Jordan)
Thrillerra | Neo noir | 30ko hamarkada
1930eko hamarkadaren amaierako Los Angeles ilunean, Marloweri ataza bat enkargatu diote: familia aberatseko emakume batek maitale ohia aurkitzeko eskatu dio. Marlowe laster ohartuko da gizonaren desagerpenak ustelkeria-sare bat ezkutatzen duela, eta hiriko agintari aberats eta arriskutsuenetako zenbaitzuen jopuntuan jarriko da detektibea ustekabean.
Irlanda, Frantzia eta Espainia arteko koprodukzio lan honek Liam Neeson, Diane Kruger eta Jessica Lange bezalako lehen lerroko izenak ditu aktore-taldean.
2022 | Donostia Zinemaldia: Sail Ofiziala
.
.
Le lycéen (Christophe Honoré)
Drama
17 urte dituela, Lucasen nerabezaroa suntsitu egingo da bat-batean. Bizitza basapizti bihurtu zaio eta hezi egin beharko du. Anaia Parisera joan zaio bizitzera eta orain amarekin bakarrik bizi da Lucas, eta bi horien tartean, itxaropena eta maitasuna berreskuratzeko borrokatu beharko du mutikoak.
2022 | Donostia Zinemaldia: Aktore onenaren saria ex-aequo (Paul Kircher)
.
.
The Eternal Daughter (Joanna Hogg)
Drama | Thrillerra
Emakume batek eta bere ama zaharrak aspaldi lurperatutako sekretuei aurre egin beharko diete familiaren etxe zaharrera itzultzen direnean. Izan ere, urteen igarotzearekin, etxe handi zahar hori misterioz betetako hotel ia huts bilakatu da.
2022 | Veneziako Jaialdia: Urrezko Lehoia film onenari
2022 | Sevilla Zinema Europarraren Jaialdia: Urrezko Giraldilla film onenari
.
.
Dead for A Dollar (Walter Hill)
Western | Thrillerra
Texas, 1892. Badirudi Elijah Jones (Brandon Scott) soldadu desertoreak Rachel Price, familia oneko emakume dotorea, bahitu eta atxiki duela Mexikon. Horren aurrean, senarrak Max Borland (Christoph Waltz) sari-ehiztari mitikoa kontratatzen du andrea bilatu eta Texasera bueltan ekartzeko. Aldi berean, Joe Cribbens (Willem Dafoe) pistolari arriskutsua kartzelatik irteten da, kartzelan sartu zutenen aurkako mendeku bila. Horietako bat, Max Borland bera.
2022 | Veneziako Jaialdia: Sail Ofiziala
.
.
Book Club 2: The Next Chapter (Bill Holderman)
Komedia | Drama | Komedia | Laguntasuna
2018an, The Book Club izenarekin estreinaturiko film gogoangarriaren jarraipena. Oraingoan, irakurle taldeak Italiara bidaiatuko du, inoiz izan ez duten nesken bidaia dibertigarri hori bizi nahian.
Luxuzko aktore-taldea batu du Holdermanek: Andy García, Diane Keaton, Jane Fonda, Mary Steenburgen, Don Johnson, Candice Bergen…
.
.
Love Again (Jim Strouse)
Erromantzea | Komedia
Zer gertatuko litzateke testu-mezu batek zure bizitzako maitasunera eramango bazintu? Bere senargaiaren galera gainditzen saiatzen den bitartean, Mira Rayk mezu erromantiko batzuk bidaltzen ditu bere telefono zenbaki zaharrera… kontuan hartu gabe zenbakia Rob Burnsen lan-telefono berrirako berrerabilia izan dela.
.
.
Alan Giza Antena (Amalie Næsby Fick)
Animazioa | Abenturak |Fantasia | Txikientzat
Allanek 11 urte ditu, eta uda bakarti batean giza-antena lanak egiten amaitzen du, objektu hegalari ezezagunekin obsesionatuta dagoen bizilagunarentzat. Baina aurkitzen dutena Britney da, estralurtar neska bat. Eskolarako lan bat egiten ari da giza arraza primitiboari buruz. Allanek etxera itzultzen lagundu behar dio, baina bitartean giza espeziea ulertzen saiatzen da neska.
Zineuskadi elkartearen ZINEMA EUSKARAZ programari esker, zinema-aretoetan euskaraz estreinatuko den filma.
