Donostia Zinemaldiak 70. edizioa ospatuko du aurtengoan, sendo eta arrakastatsu. Izan ere, pandemiak txikitutako bi urteren ostean, ospakizunak handia behar zuen, ezinbestean.

ZINEAn ere indar berezia jarriko dugu aurten ekimenaren jarraipena egiteko. Ohiko eduki, albiste eta kritikez gainera, orain ere bideo kronikak egingo baititugu egunero. Lan horretan, Urko Ortega zinemagile azpeitiarra izango dugu bidelagun: Zein iritsi da? Zer gertatu da? Zein film ez duzue galdu behar? Galdera guzti hauei (eta askoz gehiagori!) emango die erantzuna egunero, irailaren 16tik 24ra.

Jaialdiaren hirugarren eguneko bideo-kronika duzue honakoa, irailaren 18koa, hain zuzen. Egunak aurrera doaz, eta nekea sumatzen hasi da azkoitiarra. Kursaal eraikinaren barrenak erakutsi dizkigu, eta besteak beste honako film hauek izan ditu mintzagai: L’INNOCENT (Perlak), RESTEN AF LIVET/FOREVER (Sail Ofiziala), AS BESTAS (Perlak) eta BROKER (Perlak).

Izan astelehen on!