Gidoiaren idazketan, proiektuaren ekoizpenean edota haren iraunkortasunean aholkularitza eta proiektuak saltzeko dokumentuak egiteko laguntza eta mentoretza-saioak eskainiko dizkiete deialdian hautatutako sei proiektuei.
Ikus-entzunezko proiektuen garapena optimizatzeko laguntza-tresna izateko xedez sustatu du Apikak, Ikusentzunezko Produktoreen Elkarteak ekimena, Euskadiko ikus-entzunezkoen ekoizleei eta gidoi- zein zuzendaritza-taldeei zuzenduta, beren kalitateagatik eta potentzialagatik hautatutako 4-6 proiekturentzako mentoretza eta banakako aholkularitza zerbitzuak eskaini asmoz. Helburua da hautatutako proiektuen garapena indartzea; gidoiaren analisiaren zein berridazketa, eta proiektuaren salmenta-dokumentu egoki bat egiteko moduari buruzko ekoizpen estrategiak eta orientazio pertsonalizatuak landuta, ekoizleek proiektu sendoak garatzeko eta aukerak sortzeko gaitasun handiagoa izatea.
Jarrian dituzue Apika Audiovisual Project LAB 2022 deialdian hautatutako sei proiektuak:
- Gaua Gaukoentzat (Paul Urkijo. Ikusgarri Films) | Fikziozko film luzea
- Sacamantecas (David Pérez Sañudo. Amania Films) | Fikziozko film luzea
- Los años del silencio (Álvaro Arbina) | Fikziozko film luzea
- Yerma (Lara Izagirre. Platanobolígafo/Gariza Films) | Fikziozko film luzea
- G.A.L.I.M. (Beatriz de Silva. Extrapictures S.L.) | Telebistarako seriea
- Erresistente (Begoña Zubía. Elhuyar) | Film luze dokumentala
Gidoiaren lanketarako, Miguel Machalskiren eta Alicia Lunaren laguntza izango dute ekoizle hautatuek, eta horiekin batera, aukeratutako proiektuen profilaren arabera, proiektu-mota desberdinetara hobekien egokitzen den mentorearen laguntza lotuko dute antolatzaileek. Ekoizpen-lantegietan, aldiz, Gloria Peña ekoizlea izango dute bidaide. Proiektuek sustapen-, marketin- eta diseinu-mentoriak ere izango dituzte, proiektua laborategitik finantzaketa bilatzeko salmenta-dokumentu egoki batekin atera dadin. Mentoria horietarako Banijay Iberiaren estrategia digitaleko zuzendaria den Felipe Jiménezen laguntza jasoko dute.
Egungo osasun-egoera dela-eta, saioak bideokonferentzia bidez egingo dira, baina beharrezkoa den guztietan eta osasun-baldintzek ahalbidetzen dutenean, aurrez aurreko saioak egiteko aukera baloratuko da. Saio horiek 2022ko EKAINA eta AZAROA bitartean egingo dira. Elkarteak profesionalen prestasunaren arabera programatuko ditu saioak. Programak aldaketak izan ditzake, antolamendu-arrazoiengatik beharrezkoa bada.
