Alcarràs
Aitonak hitz egiteari utzi dio, baina Solé familia zabaleko inork ez du zergaitia ulertzen. Urtero uda sasoian egin ohi duten bezala, Alcarràsen, Kataluniako landa-herri txiki batean, bilduko dira mertxikondo-saila landatu eta hazteko. Laurogei urtez lur bera lantzen aritu ondoren, azken uzta lanak egiteko elkartuko da familia osoa.
Carla Simon zuzendari gaztearen bigarren lanak Berlingo jaialdiko sari nagusia eskuratu zuen urte hasieran.
.
.
X
1979an, zinemagile gazte talde batek helduentzako film bat errodatzeari ekingo Texasko landa-eremuan. Tokiko anfitrioi bakarti eta zaharren mespretxu eta oldarra topatuko dituzte bertan, eta abentura behar zuen esperientzia hori taldearen biziraupenerako borrokan bilakatuko da berehala.
.
.
Downton Abbey: A New Era
Bueltan dira Lord eta Lady Grantham eta, iragarri dutenaren arabera, pozik daude bere Yorkshireko etxean zinemazaleen konpainia atsegina jasoko dutelako.
Downton Abbey telesail ezagunaren egokitzapen zinematografikoaren sekuela.
.
.
Where Is Anne Frank?
Anne Franken irudimenezko laguna izandako Kittyren -eguneroko famatuan jasotako idatzien hartzailearen- urratsak jarraituko ditu filmak. Nerabe ausart baten azalean, Kitty etorkizunean esnatuko da, Franken Amsterdameko hirian zuen etxean, eta lagun minak Europako lekuren batean bizirik jarraitzen duenaren konbentzimendu osoz, haren bilaketari ekingo dio.
.
.
Mystère
Amaren heriotzetik hitzik esan ez duen bere alabarekin harremana berreskuratzeko asmoz, Stépanek Frantziako erdialdeko eskualde menditsu polit batera lekualdatzea erabakiko du. Hiria utzi, eta haurrarekin bizimodu berri bat hastea.
Egun batean, basoan paseatzen ari direla, artzain batek Mystère izeneko txakurkume bat oparituko dio neskatoari. Animaliarekin sortuko duen loturak emango dion indarri esker, haurra mundura irekitzen hasiko da. Alaba aldatzen hastearekin batera deskubrituko du Stéphanek txakurkumea otsoa dela…
.
La jefa
Sofia, moda-multinazional batean lan egiten duen gazte handinahia, haurdun geratu da. Espainian, etxetik urrun, familiaren babesik gabe eta bere amatasunaren etorkizunari buruzko zalantza ugarirekin, bere herrialdera itzuli eta hainbeste borrokatu duen ibilbide profesional oparoa alde batera uztea izango da otuko zaio aukera bakarra.
Bere nagusiak, Sofiak gauza guztien gainetik miresten duen emakume boteretsuak, ezohiko proposamen bat egingo dion arte: haurra bere gain hartzeko prest dago, bere bilakatu, eta trukean, enpresaren barruan promozionatzen jarraitzeko aukera emango dio.
.
.
Le Monde d’hier
Politika uzteko prestatzen ari den bitartean, Elisabeth de Raincy Frantziako presidenteak bere oinordekoari eragingo dion eskandalu baten berri izango du, zeina, hedatuko balitz, eskuin muturreko hautagaiari emango liokeen garaipena. Berak eta bere konfiantzazko taldeak hiru eguneko epea izango dute herrialdea salbatzea helburu izango duten era guztietako bitarteko eta estrategiak prestatzeko.
