Mass
Zorigaitz deskribaezin baten ondorioz bizitzak suntsituta geratu eta urte batzuetara, bi guraso-bikotek modu pribatuan hitz egitea adostuko dute, aurrera egiten saiatzeko.
2021eko Donostia Zinemaldiaren New Directors saioan lehiatu zen filma, 69. Edizioaren baitan. Irakurri hemen Txomin Lasa Manterola kritikariak orduan jasotakoak.
.
.
Ámame
Santiago emozionalki hautsitako gizona da, ardatzik topatu ezinik, erabat noraezean dabil bere bizitza pertsonalean. Laila alaba nerabearekin batera, uda kaotikoa igaroko du Argentinan eta Brasilen, esperientzia horrek bien arteko harremanean eta, oro har, bizitzan, inflexio-puntua suposatuko duela jakin gabe.
.
.
Morbius
Michael Morbius doktorea (Jared Leto) odolean gaixotasun bitxi bat duen biokimikaria da. Bere gaixotasunari erantzun bat eman eta sendabidea aurkitzen saiatzen denean, ordea, banpirismo moduko batekin kutsatuko da.
Sendabidearen ondoren, Michael inoiz baino biziago sentitzen da, eta hainbat dohain eskuratuko ditu, hala nola, indarra eta abiadura, odola kontsumitzeko premia jasanezinaz gain. Tragikoki antiheroi inperfektu bilakatuta, Morbius doktoreak biziraupenerako azken aukera bat izango du.
.
.
Sonic the Hedgehog 2
Green Hillsen finkatu ondoren, Sonic protagonistak lehentasun bihurtuko du benetako super heroia izateko dohainak badituela erakustea. Robotniken itzulerarekin helduko zaio horretarako akera, Knucklesekin batera, zibilizazioak suntsitzeko boterea duen esmeralda baten bila itzuli baita gaizkilea.
.
.
Canallas
Joaquin, Brujo eta Luismi, auzoko hiru lagun zital, berriro elkartuko dira hogei urteren ondoren. Brujok eta Luismik lanbiderik gabe jarraitzen dute, baina bere onura zein kalteekin, eta Joaquin enpresari arrakastatsua bilakatu da. Edo berak hala uste du. 47 urterekin, Orcasitasen bizi da oraindik, ama duen Estherren etxean, Brenda alabarekin eta Chema anaiarekin. Bederatzigarren solairuan bizi dira, errealitatetik oso gora, egun batean etxearen enbargoaren berri emango dien epaitegiaren jakinarazpena jasoko duten arte.
Etxegabetzea saihesteko behar den dirua lortzen saiatuko da Joaquin, baina Brujo eta Luismiren ideia arduragabeek are gehiago murgilduko dute zorigaitzean.
.
.
A Chiara
Guerrasiotarren alaba zaharrenaren urtebetetzea ospatzeko bilduko dira familiaren ingurukoak. Festak abagune zoriontsua suposatuko du bertaratutako guztientzat, eta familia ere bat eginda eta sasoi betean azalduko da.
Biharamunean, ordea, errotik aldatuko da dena: Klaudio aita desagertu egingo da. Chiara aitaren arrastoa ikertzen hasiko da: egiara hurbildu ahala, harentzat zer nolako etorkizuna nahi duen erabaki beharko du.
