Harry Potter and the Philosopher’s Stone

Filma estreinatu zela 20 urte pasa direnean, zinema aretoetan erakutsiko dute berriz Harry Potter eta bere lagunen istorioaren lehen atala. Euskal Herriko hainbat aretotan egongo da ikusgai, hala nola, Barakaldon, Bilbon, Errenterian, Irunen, Leioan, Portugaleten, Usurbilen eta Gasteizen.

11 urte beteko dituen egunean, Harry Potterrek azti famatu biren semea dela jakingo du. Hogwarts Magia Eskolara eramango dute, bera ere azti bihurtzeko.

Cuidado con lo que deseas

Miguelek eta Laura Gabonak beren seme txikiekin mendiko txabola batean igaroko dituztela erabaki dute. Aitona Benigno botere magikoz hornitua dago, baina ezingo die lagundu. Hala ere, haurrek bola magikoa lapurtuko diote, nahi gabe elurrezko panpina batzuei bizia emanez. Kaosa sortuko da lasaiak behar zituzten familiako oporretan.

Eiffel

New Yorkeko Statue of Liberty monumentuaren eraikuntzan parte hartu ostean, Gustave Eiffel ingeniaria olatuaren gainean dago. Frantziako Gobernuak 1988an Parisen egingo duten Erakusketa Unibertsalerako zerbait ikusgarria diseinatu dezan ari zaio etengabe eskatzen, baina Eiffel ez da interesatuta egongo. Alabaina, iraganeko emakume misteriotsu batekin egingo du topo eta Paris argitzeko nahia piztuko zaio.

My Hero Academia: World Heroes Mission

Polizia Dekuren atzetik dabil, hilketa masiboa leporatu baitiote. Bitartean, gainerako superheroiek mundu osoari eragiten dion gertakari bati egin beharko diote aurre. Bi ordu dituzte Humanize izeneko erakunde kriminal misteriotsuaren mehatxutik mundua salbatzeko.

Kenji Nagasaki zinemagileak sortutako animaziozko filma da, My Hero Academia sagako hirugarrena.

Pan de limón con semillas de amapola

Mallorca barnealdeko Valldemossa herrixkan kokatuko da istorioa. Anna eta Marina gaztetan banandu egin zituzten ahizpak dira, berriz elkartuko direnak emakume misteriotsu batek herentzian okindegi bat utzi diela jakitean. Oso bestelako bizitza dute bi ahizpek: Ana ez da sekula uhartetik atera, eta maite ez duen gizonarekin jarraitzen du ezkonduta; Marina, berriz, sendagilea da eta GKE batean egiten du lan, munduan barrena. Bata zein bestea galdutako urteak berreskuratzen saiatuko  dira.

Intemperie (2019) filmagatik egokitutako gidoi onenaren saria eskuratu ostean, Benito Zambrano zinemagile espainiarrak Cristina Campos idazlearen izen bereko eleberrian oinarritutako lan berria aurkeztuko du: Pan de limón con semillas de amapola.

Way Down

Thom Johnson ingeniariak ez du uste Espainiako Bankuan ezin daitekeenik lapurretarik egin. Helburua bertan hamar egunez soilik gordeko duten objektu txiki bat bereganatzea izango du, Hegoafrikako Munduko Futbol Txapelketa bete-betean: arrakasta edo porrota, zer lortuko du?

https://www.youtube.com/watch?v=yrQFIzg639A

Till Death

Lakuko etxolan gau erromantiko bat igaroko dute Emmak eta bere bikoteak, baina goizean bere senarra zenari lotuta esnatuko da. Negua da, eta elurra ari du; Emma isolatuta dago, eta hiltzaileengandik ihes egin beharko du.

Order of Rights

Ethanek Emma ezagutuko du. Ederrak dira biak, ikasle onak eta pertsona hobeak. Baina Emma haurdun geratuko denean, lurrikara emozional baten ondorioz bikoteak epaitegietan konpondu beharko du liskarra. Giza bizitza jarriko dute eztabaidaren erdian: Ethanek bere eskubideak eta haurrarenak defendatu nahi ditu, baina Emma abortatzeko prest dago.