Mía y Moi
Ama galdu ondoren, Mia eta Moi familiarena den etxe zahar batean bilatuko dute babesa, zelaian, ezerezaren erdian. Haiekin, Biel, Moiren mutil-laguna. Hirurak batera, atseden hartu eta zauriak sendatzen ahaleginduko dira. Familiako oroitzapenak berreskuratzeko egunak dira, mingarriak batzuk; elkar ezagutzeko egunak, presarik gabe bizitzeko egunak. Mikelen etorrerak, Miaren mutil-lagunak, elkarbizitza aldatuko du eta etxeko biztanle bakoitza modu ezberdinean asaldatuko du. Tentsioa handituz joango da, ondorio itzulezinak dituen gertakari batean eztanda egin arte.
Protagonisten artean, Bruna Cusí, Ricardo Gómez, Joe Manjón eta Eneko Sagardoy durangarra.
.
Spiral: From the Book of Saw
Polizia beterano baten (Samuel L. Jackson) itzalean lanean, Ezekiel “Zeke” Banks (Chris Rock) detektibe ausartak eta bere kide hasiberriak (Max Minghella) hiriaren iragan odoltsuarekin paralelismo jakin batzuk gordetzen dituzten hilketa batzuekin lotutako ikerketa hartuko dute bere gain. Misterioan sakondu ahala, Zeke bera hiltzailearen joko makabroaren epizentroa bihurtu dela ohartuko da.
.
Poliamor para principiantes
Satur (Karra Elejalde) eta Tina (Toni Acosta) senar-emazteak dira. Tinak etxetik kanpo egiten du lan, eta Satur aldiz etxeko lanez eta umearen zaintzaz arduratzen da. Etxeko “haurra” den Manu (Quim Avila) 28 urte ditu eta youtuber gisa dihardu, oso modu kaskarrean.
Semearen ibilbidea indartze aldera, “maitasunaren ranger” bilakatzeko proposamena luzatuko dio Saturrek, eta amodio erromantikoaren sareko defendatzaile maskaratuaren pertsonaia sortuko dute.
.
First Cow
Oregon estatuko larru ehiztarien espedizio batek 1820ko hamarkadan kontratatutako sukaldari baten (John Magaro) istorioa jaso du filmak. Baita etorkin txinatar misteriotsu batena ere (Orion Lee), bere atzetik doazen gizon batzuengandik ihesean ari dena.
Adiskidetasun indartsu batek gurutzatuko ditu bi protagonisten bideak, eta elkarren babesa besterik ez dute izango arrotz eta etsai duten lurraldean.
.
El viaje de Chihiro
Chihiro hamar urteko neskatoa da eta, gurasoekin batera, auto bidaia bati ekingo dio. Tunel bat zeharkatu ondoren, mundu fantastiko batera iritsiko dira, non gizakientzat lekurik ez dagoen, soilik lehen eta bigarren mailako jainkoentzat. Bere gurasoak txerri bihurtu dituztela jakingo duenean, Chihiro oso bakarrik eta izututa sentituko da.
Hayao Miyazaki zuzendari japoniarraren harribitxietako bat, belaunaldi oso bat astindu, hunkitu eta maitemindu egin zuen filma. Estreinaldi handitik hogei urte igaro direnean berreskuratuko dute filma zinema-aretoek.
