Tom & Jerry
Hanna-Barbera ekoiztetxe estatubatuarraren klasiko ezagunaren egokitzapena egin du Tim Story zinemagileak Warner Animation Group etxearen babespean, eta gurera euskaraz iritsiko da ostiral honetan, Zineuskadi elkartearen Zinema Euskaraz programaren bidez.
Tom eta Jerryren arteko harreman gatazkatsuaren abiapuntua izango du hizpide filmak. Irudi errealak eta animazioa uztartuko dituen lanak Chloë Grace Moretz, Michael Peña eta Rob Delaney ditu protagonista, Tom eta Jerry animaziozko betiereko etsaiekin batera. Jerry sagua New York hiriko hotel entzutetsuenean bizi da, baina “mendeko ezkontza garrantzitsuena” bertan ospatzekoa da, eta antolaketaren arduradun Kaylak Tom kontratatuko du karraskaria eraikinetik botatzen lagundu diezaion. Baina misioa espero baino zailagoa izango da, eta animalien arteko borrokak Kaylaren ibilbide profesionala, ezkontza bera, eta baita hotela ere, suntsitzeko arriskuan jarriko ditu.
Proiektuak orotariko kritikak jaso ditu, istorio klasikoaren jarraitzaileek itxaropen handiak baitzituzten bertsio berriaren inguruan.
.
Nomadland
Krisi ekonomikoaren ondorioz dena galdu duen emakume bat Amerikar Mendebalderako bidaia batean murgilduko da, karabana batean, nomada bizimodua eraikiz. Fern (Frances McDormand) eta bere kamioneta, Nevadako landa eremuan barrena.
.
Godzilla vs. Kong
Godzilla eta Kong, mota guztietako izaki ikaragarriak bizi diren planeta bateko indar boteretsuenetako bi, gizateriaren oinarriak astintzen dituen mehatxu ikusgarri baten aurka borrokatu beharko dute. Monarch (Kyle Chandler) arrisku handiko misio batean murgilduko da eta esploratu gabeko lurraldeetara bidaiatuko du, bi monstruo hauen jatorria aurkitzeko.
.
Monster Hunter
Gure munduaren atzean beste bat dago: munstro arriskutsu eta boteretsuen mundu bat, bere domeinuak basakeria hilgarriz gobernatzen dituena. Artemis tenientea (Milla Jovovich) eta bere soldadu leialak gure mundutik mundu berrira garraiatzen dituztenean, tenienteak bere bizitzako kolpea jasoko du. Etsai handien aurka botere sinestezinekin eta eraso geldiezin eta nazkagarriekin bizirauteko duen borroka etsian, Artemisek bere burua defendatzeko modua aurkitu duen gizon misteriotsu batekin ekartuko da.
.
Libertad
Enrique Urbizuk Movistar+ plataformarako egindako izen bereko telesailaren osagarri den zinemetarako filma da, eta, 17 urteko espetxealdiaren ostean, kartzelatik aterako den ‘La Llanera’ izeneko emakume baten bidea jarraituko du.
.
Un efecto óptico
Alfredo eta Teresa, Burgosko senar-emazteak, New Yorkera doaz, “deskonektatzeko” eta gidako plan guztiak egiteko asmoz. Baina, lurreratu bezain laster, seinale sotilen eta ez hain sotilen bitartez, ikusten hasten dira benetan ez daudela agentzian saldu zieten hirian. Orduan, non daude?
Juan Cavestany zuzendari madrildarrak 68. Donostia Zinemaldiko Zabaltegi-Tabakalera sailean aurkeztutako filma.
