Datorren abenduaren 12tik 15era, Zornotzan ospatuko dute Kine Rally lehiaketaren 5. edizioa. Taldean zein bakarka parte-hartzeko lehiakideak galdegin dituzte.
Bost urte bete dituen honetan, atzerapen apur batekin ospatuko dute aurten lehiaketa: hain zuzen, abenduaren 12tik 15era ospatuko da Zornotzan. Lehiaketa hasten den egunean jakinaraziko zaie gaia, eta ohi bezala, talde parte-hartzaileek 24 ordu izango dituzte 1-5 minutu arteko film labur bat pentsatu, grabatu eta prestatzeko.
Larunbat arratsaldean entregatu beharko dituzte lanak, eta Igandean, abenduaren 15ean, filmen doako proiekzioa eta sarien entrega-ekitaldia ospatuko dira Zornotza Aretoan, goizeko 12:00etatik aurrera.
Taldean zein bakarka parte-hartzeko lehiakideak galdegin dituzte, eta kinezinekluba@gmail.com helbidearen bidez egin beharko dute izen ematea. Ondorengo datuak aipatu beharko dira:
- Taldearen izena
- Parte hartzaileen izen-abizenak
- Harremanetarako kontaktu zenbakia
