Joana Pimienta zinegile portugaldarraren Um campo de aviaçao film labur dokumentalak jasoko du 58. Zinebi jaialdiko sari nagusia gaur iluntzean Bilbon egingo duten sari-banaketa ekitaldian. Eszenatoki gainean izango dira, baita ere, Maider Fernandez eta Maria Elorza, Gure Hormek filmari esker Euskal Zinearen saria eskuratu baitute.
Zinebi Bilboko Film Labur eta Dokumentalen Nazioarteko jaialdiaren 58. edizioak gaur itxiko ditu ateak Arriaga Antzokian egingo duten sari banaketa ekitaldian. Eta horren aurretik, palmaresa aditzera eman du epaimahaiak. Aurtengo lanen kalitatea goraipatu dute, 72 orotara.
Jaialdiko sari nagusia Lisboara joango da, Um campo de aviaçao dokumentalaren alde egin baitute epaimahaikideek. Joana Pimientaren labur dokumentala da. Euskal Zinearen saria, ordea, Maria Elorza eta Maider Fernandez gipuzkoarrek eskuratuko dute, aurtengo Kimuak katalogoko lanetako bat den Gure Hormek dokumentalagatik. Bigarren urtez jarraian, emakumezko zinegileek egindako lan batek eskuratuko du Euskal Zinearen saria; ez hori bakarrik, film sarituak emakumeak eta haien etxeetako hormak ditu aztergai aurtengoan. Zorionak bikote!
Palmares osoa:
Sari nagusia: Um campo de aviaçao, Joana Pimienta
Euskal Zinearen saria: Gure Hormek, Maria Elorza eta Maider Fernandez
Film espainiar onenari saria: Timecode, Juanjo Giménez
Film latinoamerikar onenari saria: El trabajo industrial, Gerardo Naumann
Zinebi First Film opera prima onenari saria: El futuro perfecto, Nele Wohlatz
Aipamen berezia: Septembro, Leonor Noivo
Urrezko Mikeldi saria dokumental onenari: Rust, Eloy Domínguez Serén
Zilarrezko Mikeldi saria dokumental onenari: Las vísceras, Elena López Riera
Urrezko Mikeldi saria fikziozko film onenari: Penúmbria, Eduardo Brito
Zilarrezko Mikeldi saria fikziozko film onenari: Cilaos, Camilo Restrepo
Urrezko Mikeldi saria animaziozko film onenari: Kaputt, Volker Schlecht eta Alexander Lahl
Zilarrezko Mikeldi saria animaziozko film onenari: Sredi Chernyh Voln, Anna Budanova
