Udako Art House Zinema zikloaren baitan, adin guztietako ikus-entzuleentzako film garaikideak eskainiko dituzte BilbaoArten ekainaren 16tik irailaren 22ra, udako oporraldian. Zikloa Asier Altunaren Bertsolari (2011) dokumentalak abiatu zuen iragan ostegunean, ekainak 16, eta aste honetan Park Chan-wooken I’m a Cyborg but that’s OK (2006) lana eskainiko dute.
Datozen hiru hileetan, azken hamarkadan nazioartean oihartzun zabala izan duten film garaikide bat eskainiko dute ostegunero BilbaoArten, Udako Art House Zinema zikloaren baitan. Sarrerak doakoak izango dira, leku guztiak bete arte, eta emanaldiak 19:00etan hasiko dira.
Egitaraua:
Ekainaren 16an, Asier Altunaren Bertsolari (2011) bertsolaritzari buruzko dokumentala (igarota)
Ekainaren 23an, Park Chan-wooken I’m a Cyborg but that’s OK (2006) komedia eta drama uztartzen dituen lan fantastikoa
https://youtu.be/-QrmBQ8QoVw
Ekainaren 30ean, Calin Peter Netzerren Pozitia copilului (Madre e hijo, 2013) lan errumaniarra
Uztailaren 7an, Manuel Martín Cuencaren Caníbal (2013) thriller psikologikoa
Uztailaren 14an, Xavier Beauvoisen Des hommes et des dieux (2010) gertaera errealetan oinarritutako elizari buruzko drama
Uztailaren 21ean, François Ozonen Dans la maison (En la casa, 2012) intrigaz beteriko komedia
Uztailaren 28an, Thomas Vinterbergen Jagten (The Hunt, 2012) sexu jazarpenari buruzko drama gogorra
Abuztuaren 4an, Per Flyren Arven (La herencia, 2002) drama danimarkarra
Abuztuaren 11n, Todd Solondzen Life During Wartime (2009) komedia dramatiko laudatua
Abuztuaren 18an, Debra Graniken Winter’s bone (2010) thrillerra
Abuztuaren 25ean, Roy Andersonen En duva satt på en gren och funderade på tillvaron (2014) komedia arrakastatsua
Irailaren 1ean, Ari Fomenen The Congress (2013) fikzioa eta animazioa uztartzen dituen lan berezia
Irailaren 8an, Edward Yangen Yi-Yi (2000) drama taiwandarra
Irailaren 15ean, Wong Kar-Wairen The Grandmaster (2013) akziozko film interesgarria
Eta zikloa isteko, irailaren 22an, Asier Altunaren Amama (2015) baserriari buruzko drama
