Aitor Arregi eta Jon Garañok zuzenduko duten Altzoko pertsonaia bitxiaren inguruko filma errodatzen hasiko dira apririlean, eta lantaldea grabazioan parte hartuko duten aktore eta figuranteen bila dabil.
Zure ametsa filma batean parte hartzea bada, aukera paregabea duzu honakoa. Binahi figurazio eta kasting etxea datozen hilabeteetan Euskal Herrian grabatuko den Aundiya pelikularen errodajerako figurante eta aktore bila dabil. Altuera, adin eta mota guztietako gizon eta emakumeak behar dituzte, bai aktore eta bai figurante lanetarako. Interesa dutenek email bat idatzi beharko dute aundiybinahi@gmail.com-era, altuera, adina, telefonoa eta argazki bat bidaliz.
Kastinga bertatik bertara egin nahi dutenek, berriz, aukera izango dute gaur Zumaian egingo den kasting presentzialean parte hartzeko. Alondegia Kultur Etxean izango da 16:00etatik 20:00etara.
