Elena Irureta aktore zumaiarrak 60 urte betetzen ditu gaur. Telebistan, zineman zein antzerkian ibilbide oparoa egin duen eta egiten ari den profesionalaren azken lanak Algo que celebrar telesaila eta Koldo Serraren Gernika film luzea izan dira.
80ko hamarkadan, Madrilen argazkigintza eta Londresen ingelesa ikasi ostean, Euskal Herrira itzuli zen Irureta, eta Eusko Jaurlaritzaren arte dramatikoen Antzerti eskolan eman zuen izena. Pixkanaka, lantxoak egiten hasi zen, eta hurrengo urteetan, besteak beste, El porqué de las cosas, Aspirina para 2, Arlequino, Ama begira zazu eta El jefe de todo esto antzezlanetan hartu zuen parte.
Telebistara 1983an egin zuen jauzi. Txirri, Mirri eta Txiribitonen Don don kikilikon saioan hasi zen, baina handik gutxira umorezko telesailetara igaro zen; hala nola, Bai Horixe! (1986-1989), Bi eta bat (1991), Jaun eta jabe (1997), Sorginen Laratza (1999), eta Martin (2003-2008) saioetan egin du lan, eta Euskal Herrian sekulako arrakasta erdietsi du. Hemendik at, dena den, Periodistas (1998), Al salir de clase (1998), Sin hogar (2003), El comisario (1999-2006) edota Hospital Central (2010) bezalako telesailetan ikusi ahal izan dugu.
Baina, ziurrenik, pantaila handirako osatutako lanen zerrenda da guztien artean deigarriena. 1977an Axut filmean hartu zuen parte, eta geroztik Julio Medem, Iciar Bollaín, Juanma Bajo Ulloa, Daniel Calparsoro, Telmo Esnal eta Asier Altuna zuzendarien gidaritzapean aritu da, besteak beste. Hona zumaiarraren filmografía.
Txirula miresgarria (Bruno Carriére, 1982), telebistarako filma
Albaniaren konkista (Alfonso Ungría, 1983) film luzea
Nork hil zuen Manu Lasa? (Juan Miguel Gutiérrez Márquez, 1983) film luzea
Betirako sua (José Ángel Rebolledo, 1984) film luzea
Zergatik panpox (Xabier Elorriaga, 1985) film luzea
La monja alférez (Javier Aguirre, 1987) film luzea
Ke arteko egunak (Antxon Ezeiza, 1989) film luzea
La ardilla roja (Julio Medem, 1992) film luzea
La madre muerta (Juanma Bajo Ulloa, 1993) film luzea
Adiós, Toby, Adiós (Ramón Barea, 1995) film laburra
Hola, ¿estás sóla? (Iciar Bollaín, 1995) film luzea
Airbag (Juanma Bajo Ulloa, 1997) film luzea
A ciegas (Daniel Calparsoro, 1997) film luzea
Pecata minuta (Ramón Barea, 1998) film luzea
Flores de otro mundo (Iciar Bollaín, 1998) film luzea
Sobreviviré (Alfonso Albacete eta David Menkes, 1999) film luzea
El vestido (Asier Andueza, 1999) film luzea
Te doy mis ojos (Iciar Bollaín, 2003) film luzea
Aupa Etxebeste! (Asier Altuna eta Telmo Esnal, 2005) film luzea
Zorion perfektua (Jabi Elortegi, 2009) film luzea
Bon appétit (David Pinillos, 2009) film luzea
Promoción fantasma (Javier Ruiz Caldera, 2012) film luzeaq
A escondidas (Mikel Rueda, 2014) film luzea
Gernika (Koldo Serra, 2015) film luzea
