Segoviako ihesa (Imanol Uribe, 1981) filmak zabaldu zuen eta Koldo Serra errodatzen ari den Gernika superprodukzioak isten du (oraingoz!) Ramon Barea aktore euskaldunaren ibilbide oparoa. Gaur, uztailak 13, 66 urte betetzen ditu bilbotarrak, eta guk bere ibilbidea errepasatu nahi izan dugu.
Borja Cobeagaren Negociador filmean, Mi querido Klikowsky telesailean, eta 80ko hamarkadako film gogoengarri zein azken urteetako lan esanguratsuenetan aritutako euskal aktore emankorra da Barea. Horren aurretik, baina, funtzionario gisa lan egin zuen, hogehita hainbat urterekin aktore gisa profesionalki jardutea erabaki zuen arte.
70eko hamarkadan Euskal Herriko antzerki zirkuitu independentean sartu eta bi konpainia sortu zituen (Cómicos de la lengua 1968an, eta hainbat urte geroago, 1980an, Karraka), eta aktore, gidoigile eta zuzendari gisa lan egin zuen. Besteak beste Bilbao, Bilbao musikala, Oficio de Tinieblas 5, Okupado, Euskadifrenia, Ubú Emperatriz, La Palanca Gran Cabaret, Hoy última función eta beste hainbat lan osatu zituen. Ondorengo urteetan ehundik gora obra gehiago etorri ziren, eta 2013an Antzerkiko Sari Nazionala jaso zuen bere ibilbide oparoagatik.
Euskal Telebistako zein Espainiako hainbat telebista katetako telesail arrakastatsuenetan ere hartu du parte azken urteetan, eta pantaila handian gidoigile zein zuzendari ere aritu da; kameraren atzean hiruzpalau alditan bakarrik jarri bada ere, oso emaitza positiboak erdietsi ditu, besteak beste, bere lehen laburra (Adiós Toby Adiós, 1996) Canneseko Zinemaldirako hautatua izan baitzen, eta Toulous et Midi-Pyrénéeseko Espainiar Zinemaldiko sari nagusia ere jaso zuen 2004an El coche de pedales filmagatik. Aldiz, kameren aurrean jarrita Blancanieves (Pablo Berger, 2012), No controles (Borja Cobeaga, 2010), Hodeiak margotzeko makina (Patxo Telleria eta Aitor Mazo, 2009), Siete mesas de billar francés (Gracia Querejeta, 2007), 800 balas (Alex de la Iglesia, 2002), El otro lado de la cama (Emilio Martínez Lázaro, 2002), La comunidad (Alex de la Iglesia, 2000)… eta beste hainbat eta hainbat filmetan aritu da.
Bada, gaur bertan 66 urte betetzen ditu, eta horregatik, orain 34 urte abiatu zuen ibilbide profesionalean zinemarako osatu dituen lan garrantzitsuenak zerrendatu ditugu, beste hainbat kanpoan utzi behar izan ditugun arren, zerrenda infinituraino luzatzen zelako.
Zinema
Gernika – Koldo Serra, 2016. Film luzea
Un otoño sin Berlín – Lara Izagirre, 2015. Film luzea
La corona partida – Jordi Frades, 2015. Film luzea
Negociador – Borja Cobeaga, 2014. Film luzea
La herida – Fernando Franco, 2013. Film luzea
Decisiones – Ivan Miñambres, Iñigo Gomez, 2013. Film laburra
Al otro lado – Alicia Alvares, 2013. Film laburra
Kea – Lara Izagirre, 2012. Film laburra
Blancanieves – Pablo Berger, 2012. Film luzea
5 millones – Víctor Díaz Somoza, 2011. Film laburra
De tu ventana a la mía – Paula Ortíz, 2011. Film luzea
Ohe azpiko zera – Paul Urkijo, 2011. Film laburra
No controles – Borja Cobeaga, 2010. Film luzea
Naufragio – Pedro Aguilera, 2010. Film luzea
Hodeiak margotzeko makina – Patxo Telleria, Aitor Mazo, 2009. Film luzea
Un poco de chocolate – Aitzol Aramaio, 2008. Film luzea
Siete mesas de billar francés – Gracia Querejeta, 2007. Film luzea
Cosmos – Diego Fandos, 2007. Film luzea
El coche de pedales – Zuzendari eta gidoigilea, 2004. Film luzea
Torremolinos 73 – Pablo Berger, 2003. Film luzea
Terminal – Aitzol Aramaio, 2002. Film laburra
800 balas – Alex de la Iglesia, 2002. Film luzea
El otro lado de la cama – Emilio Martínez Lázaro, 2002. Film luzea
Silencio roto – Montxo Armendariz, 2001. Film luzea
Vaivén – Carlos Muguiro, 2000. Film laburra
La Comunidad – Alex de la Iglesia, 2000. Film luzea
Gitano – Manuel Palacios, 2000. Film luzea
Carretera y manta – Alfonso Arandia, 2000. Film luzea
La mujer más fea del mundo – Miguel Bardem, 1999. Film luzea
Cuando vuelvas a mi lado – Gracia Querejeta, 1999. Film luzea
Pecata minuta – Zuzendaria eta gidoigilea, 1997. Film luzea
Muertos de risa – Alex de la Igelsia, 1999. Film luzea
A ciegas – Daniel Calparsoro , 1997. Film luzea
Airbag – Juanma Bajo Ulloa, 1997. Film luzea
La buena estrella – Ricardo Franco, 1997. Film luzea
En brazos de la mujer madura – Manuel Lombardero, 1997. Film luzea
Muerto de amor – Zuzendari eta gidogilea, 1997. Film laburra
La buena vida – David Trueba, 1996. Film luzea
La madre – Miguel Bardem, 1995. Film laburra
Justino, un asesino de la tercera edad – Santiago Aguilar, Luis Guridi, 1994. Film luzea
Los peores años de nuestra vida – Emilio Martínez Lázaro, 1994. Film luzea
La madre muerta – Juanma Bajo Ulloa, 1993. Film luzea
Acción mutante – Alex de la Iglesia, 1993. Film luzea
Urte ilunak – Arantxa Lazkano, 1992. Film luzea
Behiak – Julio Medem, 1992. Film luzea
Mirindas asesinas – Alex de la Iglesia, 1991. Film laburra
Santa Kruz, apaiz gudaria – Jose Maria Tuduri, 1991. Film luzea
El rey pasmado – Imanol Uribe, 1991. Film luzea
Todo por la pasta – Enrique Urbizu, 1991. Film luzea
Mama – Pablo Berger, 1988. Film laburra
Ander eta Yul – Ana Díez, 1988. Film luzea
Tu novia está loca – Enrique Urbizu, 1988. Film luzea
Lau haizetara – José A. Zorrilla, 1988. Film luzea
Adiós pequeña – Imanol Uribe, 1986. Film luzea
27 ordu – Montxo Armendariz, 1986. Film luzea
Bandera negra – Pedro Olea, 1986. Film luzea
Bizkaiko golkoa – Javier Rebollo, 1985. Film luzea
Betiereko sua – Jose Angel Rebolledo, 1985. Film luzea
Mikelen heriotza – Imanol Uribe. 1984. Film luzea
Albaniaren Konkista – Alfonso Ungria, 1984. Film luzea
Segoviako ihesa – Imanol Uribe, 1981. Film luzea
