Giza Eskubideen Zinemaldian parte hartzeko lanen jasotzea hasi da
Bost hilabete falta dira 2014ko Donostiako Giza Eskubideen Zinemaldia has dadin eta egunotan ireki dute bertan parte hartuko duten lanen aukeraketa epea. Gero eta garrantzi handiagoa hartzen ari den jaialdi honetan, iaz El metodo Arrieta-k egin zuen bezala, parte hartzeko bi atal daude.
Hain zuzen ere, ordu erdiak jartzen du muga. 30 minutu baino luzeagoak diren lanek film luzeen sailean hartuko dute parte, iraupen horren azpikoek, berriz, film laburrenean.
Film luze gisa parte hartzeko baldintza zehatzak:
•2012ko urtarrilaren 1aren ondoren eginda egotea
•Filmen luzapena 30 minututik gorakoa izan behar du
•Giza eskubideen inguruko edozein gaiari buruzkoa izatea
Film labur gisa parte hartzeko, berriz, hauek dira bete beharrak:
•2012ko urtarrilaren 1aren ondoren eginda egotea
•Filmen luzapena 30 minututik gorakoa izan behar du
•Giza eskubideen inguruko edozein gaiari buruzkoa izatea
Hautagaitzak eta entrega moduak, berriz, berdinak dira bi kasuetan. Batetik, otsailaren 2a baino lehenago helarazi beharko zaizkie antolatzaileei lanak. Eta horretarako modu telematikoak zein fisikoak erabil daitezke. Lehengoen kasuan Movibeta plataforma aukeratu dute, bertan ohiko prozedura jarraitu beharko dela.
Bigarrenaren kasuan, berriz, izena-ematea
www.zinemaetagizaeskubideak.com webgunean bete beharko da eta antolatzaileei bertan azaltzen diren jarraibideak posta arruntaz DVD bat bidali beharko diete parte hartzaileek.
