For those who can tell no tales filmaren irudi bat
Atome Egoyan, Jasmila Zbanic eta Gotz Spielmann zuzendarien lanak ere izango dira Urrezko Maskorra irabazteko norgehiagokan. Hurrenez hurren, aurkeztuko dituzten filmak Devil’s knot, For Those Who Can Tell No Tales eta Octovber November dira.
Azkeneko egunetan Zinemaldiaren inguruko informazio jarioa gero eta emankorragoa egiten ari da, eta sailetako parte hartzaileen inguruko zehaztasun gehiago ematen ari dira ezagutzera. Horra Zinemaldiak Sail Ofizialean parte hartuko duten hiru lehiakide berriren inguru ezagutzera emandako informazioa:
Devil’s Knot
Atom Egoyan (AEB)
Lau urte igaro dira Atom Egoyan Chloe filmarekin lehiatu zenetik, Zinemaldiaren 57. edizioan. Oraingoan bere lan berriarekin itzuli da. Misteriozko lan honek herri txiki batean eraildako hiru haurri buruzko egiazko kasua kontatuko digu. Poliziak hiru nerabe identifikatuko ditu, ?Memphiseko Hiruak?, erritual sataniko bat egiten ari ziren bitartean gauzaturiko krimenaren egile gisa. Egia, ordea, are izugarriagoa izan daiteke, hildako haurretako baten ama eta ikertzaile pribatu bat gauzak diruditenak ez bezalakoak izan daitezkeela susmatzen hasten direnean… Colin Firth eta Reese Witherspoon dira filmaren protagonistak.
For Those Who Can Tell No Tales
Jasmila Žbani? (Bosnia-Herzegovina)
Jasmila Žbani?, Grbavica filmarekin Berlingo Urrezko Hartza (2006) irabazi zuen zinemagile bosniarra, Balkanetako gerraren iragan traumatikora itzuliko da Kym protagonistaren bitartez. Kym turista australiarrak Bosniara bidaiatzea erabakiko du. Bidaia-gidak Bosnia eta Serbia arteko mugan dagoen historiaz beteriko Visegrado herriraino eramango du. Vilina Vlas hotel ?erromantikoan? lorik egin gabeko gau bat igaro ostean, Kymek gerran zer gertatu zen jakingo du. Ordutik aurrera ezingo du turista arrunt bat izan, eta bere bizitza ez da inoiz lehenago zena izango.
Oktober November / October November
Götz Spielmann (Austria)
Götz Spielmann zuzendari austriar entzutetsuak Oscar sarirako izendapena lortu zuen 2008an Revanche filmagatik. Oraingoan, gaur egun itxita dagoen Alpeetako ostatu batean hazi ziren bi ahizpari buruzko film berria aurkeztera dator. Sonja Berlinen bizi da. Haren ahizpa Verena, helduxeagoa bera, ez zen inoiz herritik joan. Sonjarentzat iritsi da familia eta haurtzaroko lekuak bisitatzeko garaia. Bilerak azalera aterako ditu, pixkanaka baina errukigabe, bi ahizpen arteko antzinako gatazkak.
